قصيدة : هالبطل حيدر
الشاعر : وسام الشويلي
الرادود : الحاج ملا باسم الكربلائی
هالبطل حيدر...لو علي الأكبر
علي هذا لو علي
******
صال الأكبر و بشجاعه وسط ميدانه وقف
شال سيف الغيره بيده و قام يتناثر شرف
هتف و الموت اويه صوته بين عسكرهم هتف
هذا قالع باب خيبر قام من أرض النجف
شافوا الغيره...صاحوا ابحيره
علي هذا لو علي
******
بانطلاقة زود حيدر علي الأكبر منطلق
بين شمرة علي جده و بينه ما شفنه فرق
باقي بس درب المنيه و انتهت كل الطرق
شفنه هامات الأعادي بسيفه قامت تنفلق
ذل كتايبهم...و اليحاربهم
علي هذا لو علي
******
بين ابن غانم و ابن ود شبه و اتظهره الحرب
ذاك بالخندق غروره جابه و بنفسه عُجب
هذا بالطف راد يبني قوته ابصورته رعب
لاجن الأثنين طاحوا بيد من لا ينغلب
الخندق ايردد...كربله اتجدد
علي هذا لو علي
******
اهنانه ضرب أوغاد ضربوا و النتيجه واحده
فعل ذو الفقار بالطف علي الأكبر جّدده
وقفت الطف حيدرية ترتجف منها العده
اثنين بس الاسم واحد و المراجل شاهده
الهمه مرسومه...تسأل الحومه
علي هذا لو علي
******
و الله بالطف ما نبالي لو ألف مرحب رجع
لو يعاود باب ثاني انقول احسبوه انقلع
عدنه الأكبر صوت حيدر صاح و العسكر سمع
وينه مرحبكم أريده طلع و الراس انقطع
فالق الهامه...صاح صمصامه
علي هذا لو علي
******
علي بإسم الله يطب و علي باء البسمله
و اليناشد علي اشيقره جان يقره الزلزله
صدّق السورة و ختمها بده ثاني مرحله
السورة هالنوبه القيامة النار و الجنه إلـه
من تسّلمها...بيده قسّمها
علي هذا لو علي
******
احنه قلناها قيامه و انتهه حكم الأجل
ابكربله الأكبر ختام بخاتمة خير العمل
نزل من المهر ضامي لجن عالكوثر نزل
شرب كاس من ايد جده المصطفه و فاز البطل
شافته الزهره...نادته ابحسره
علي هذا لو علي
play_arrow
play_arrow
play_arrow
play_arrow
play_arrow
play_arrow
تعليقات