قصيدة : تراب الحزن
الشاعر : السيد عبدالخالق المحنه

الرادود : الحاج ملا باسم الكربلائی 

العتبة العلوية المطهرة - النجف الأشرف

 

ﻻ ﺗﻜﺸﻒ ﺍﺗﺮﺍﺏ ﺍﻟﺤﺰﻥ ﻭ ﺍﺗﻬﻴﺞ ﺍﻟﻨﺎﺭ
ﺗﺼﺤﻪ ﺍﻟﺠﺮﻭﺡ ﻭ ﻟﻮ ﺻﺤﺖ ﻳﺠﻮﻳﻬﺎ ﻣﺴﻤﺎﺭ
ﻭ ﺍﻳﺼﻴﺮ ﺍﻟﺼﺒﺮ ...ﺃﻗﺴﻪ ﺍﻣﻦ ﺍﻟﺠﻤﺮ

******
ﻳﻘﻮﻟﻮﻥ ﺣﺒﻴﺐ ﺍﻟﻤﺎ ﺗﺸﻮﻓﻪ ﺍﻟﻌﻴﻦ ﺗﻨﺴﺎﻩ
ﻳﻜﺬﺑﻮﻥ ﺃﻧﺎ ﺍﻟﻤﺎ ﺷﻔﺘﻪ ﺑﺲ ﺃﺑﺠﻲ ﺍﻋﻠﻪ ﻓﺮﻗﺎﻩ
ﺑﺎﻟﺠﺮﻭﺡ ﺇﺫﺍ ﻋﻨﻲ ﺍﺑﺘﻌﺪ ﺑﺎﻟﺨﺎﻃﺮ ﺃﻟﻘﺎﻩ
ﻭ ﺍﻟﺤﺴﻴﻦ ﺟﺬﺏ ﻣﻦ ﻗﺎﻝ ﺃﻋﻮﻓﻪ ﺍﻭ ﻣﻤﻜﻦ ﺃﻧﺴﺎﻩ
ﺟﺮﻧﻲ ﺍﻟﻬﻮﻩ ﺍﻟﺤﻀﺮﺕ ﻋﻠﻲ ﻭ ﺩﻣﻌﻲ ﺃﺳﻴﻠﻪ
ﺑﻠﻜﺖ ﻳﺨﺒﺮﻧﻲ ﻋﻠﻲ ﺍﺑﺤﺎﻟﺔ ﺧﻠﻴﻠﻪ
ﻣﺮﺍﺕ ﺍﻟﻌﺬﺭ ...ﺃﻗﺴﻪ ﺍﻣﻦ ﺍﻟﺠﻤﺮ

******
ﻳﻜﺮﺍﺭ ﻋﻠﻪ ﺍﺑﺴﺎﻁ ﺍﻟﺼﺒﺮ ﺃﻓﺮﺵ ﺟﺮﺍﺣﻲ
ﻭ ﺃﻧﺎﺩﻳﻚ ﺳﻜﻮﺗﻚ ﻋﺎﺻﻔﻪ ﻭ ﻳﻜﺴﺮ ﺟﻨﺎﺣﻲ
ﺗﻤﻨﻴﺖ ﺗﺠﺎﻭﺑﻨﻲ ﻭ ﺃﻃﻖ ﺭﺍﺣﻲ ﺍﻋﻠﻪ ﺭﺍﺣﻲ
ﺳﻼﻣﺎﺕ ﺃﻗﻠﻚ ﻟﻮ ﻗﻠﺖ ﻣﻈﻠﻢ ﺻﺒﺎﺣﻲ
ﺍﻧﺖ ﺍﻣﺘﺤﺎﻧﻚ ﺑﺎﻟﺼﺒﺮ ﻭ ﺍﻟﻔﺎﻳﺰ ﺍﻧﺘﻪ
ﻭ ﺁﻧﺎ ﺍﻣﺘﺤﺎﻧﻲ ﺍﺑﻜﻠﻤﺘﻲ ﻭ ﺍﻟﺪﻧﻴﻪ ﺳﻜﺘﻪ
ﻭ ﺍﻟﺴﻜﺘﻪ ﺍﺷﻜﺜﺮ ...ﺃﻗﺴﻪ ﺍﻣﻦ ﺍﻟﺠﻤﺮ

******
ﻳﺒﻮ ﺍﺣﺴﻴﻦ ﺩﺧﻴﻠﻚ ﺑﺲ ﺃﺭﻳﺪ ﺃﺳﻤﻊ ﺟﻮﺍﺑﻚ
ﺻﺪﻕ ﺫﺍﻙ ﻓﻌﻠﻬﺎ ﻭ ﺷﺒﺖ ﺍﻟﻨﺎﺭ ﺍﻋﻠﻪ ﺑﺎﺑﻚ
ﻳﻤﻬﻴﻮﺏ ﻳﺼﻘﺎﺭ ﺍﻟﺰﻟﻢ ﻭ ﺍﻟﻜﻞ ﺗﻬﺎﺑﻚ
ﺭﺣﺖ ﻟﻴﺶ ﻳﺎﻟﻤﻐﻴﻢ ﻭ ﻻ ﻳﻤﻄﺮ ﺳﺤﺎﺑﻚ
ﺟﺎﻭﺑﻨﻲ ﻟﻴﺶ ﺃﻡ ﺍﻟﺤﺴﻦ ﺻﺎﺣﺖ ﻳﻔﻀﻪ
ﻭ ﺍﺳﻤﻚ ﻳﺤﻴﺪﺭ ﺑﺎﻟﺸﺪﺩ ﺍﻟﻜﻞ ﺗﻠﻔﻈﻪ
ﺃﻋﻠﻢ ﺑﺎﻷﻣﺮ ...ﺃﻗﺴﻪ ﺍﻣﻦ ﺍﻟﺠﻤﺮ

******
ﻋﻠﻪ ﺍﻵﻩ ﺃﻧﺎﻡ ﻭ ﺃﺻﺤﻪ ﻭ ﻟﺴﺎﻧﻲ ﺍﺑﺬﻛﺮﻫﺎ
ﺃﻭﻳﻼﻩ ﺃﻧﺎ ﺍﺑﻜﻞ ﺣﺎﻳﻂ ﺃﺗﺒﻊ ﺃﺛﺮﻫﺎ
ﻳﻤﺴﻤﺎﺭ ﻋﻼﻣﻚ ﻃﺎﻭﻋﺖ ﺫﺍﻙ ﺍﻟﻌﺼﺮﻫﺎ
ﺃﻟﻒ ﺣﻴﻒ ﺑﺪﻝ ﻣﺎ ﺗﻌﺘﺮﺽ ﻧﻤﺖ ﺍﺑﺼﺪﺭﻫﺎ
ﺑﻜﻞ ﺑﺎﺏ ﺃﺷﻮﻓﻦ ﺑﻴﻪ ﺃﻟﻢ ﻣﻦ ﻋﻤﻠﺔ ﺍﻟﺒﺎﺏ
ﻭ ﺃﺳﻤﻊ ﻋﻠﻲ ﻳﻨﺪﺏ ﻋﻠﻲ ﺑﻔﺮﺍﻕ ﺍﻷﺣﺒﺎﺏ
ﻟﻮ ﻃﺎﻝ ﺍﻟﻌﻤﺮ ...ﺃﻗﺴﻪ ﺍﻣﻦ ﺍﻟﺠﻤﺮ

******
ﻣﻦ ﺍﻟﻐﺎﺭ ﺇﺟﻪ ﺍﻳﻘﻮﺩ ﺍﻧﻘﻼﺏ ﺍﻋﻠﻪ ﺍﻟﺤﻤﺎﻣﻪ
ﺩﻻﻻﺕ ﻟﻘﻴﻨﻪ ﻭ ﻗﻠﻨﻪ ﺧﻞ ﺗﻤﺸﻲ ﺑﺴﻼﻣﻪ
ﻭﺭﻩ ﺍﻟﺒﺎﺏ ﺑﺪﻩ ﺛﺎﻧﻲ ﺍﻧﻘﻼﺏ ﺍﻋﻠﻪ ﺍﻟﻜﺮﺍﻣﻪ
ﺍﻟﻘﺼﺪ ﺟﺎﻥ ﻗﻀﺎﺀ ﺍﻋﻠﻪ ﺍﻟﻨﺒﻮﻩ ﻭ ﺍﻹﻣﺎﻣﻪ
ﻣﺎ ﻳﻘﺪﺭ ﺍﻳﻀﻢ ﺍﻟﺸﻤﺲ ﺟﻒ ﺍﻟﺴﻘﻴﻔﻪ
ﻣﻜﺘﻮﺑﻪ ﺑﻌﻴﻮﻥ ﺍﻟﻌﺮﺵ ﺣﻴﺪﺭ ﺧﻠﻴﻔﻪ
ﻭ ﺃﻋﻘﺎﺏ ﺍﻟﻐﺪﺭ ...ﺃﻗﺴﻪ ﺍﻣﻦ ﺍﻟﺠﻤﺮ

******
ﻳﺮﻳﺪﻭﻥ ﻳﻨﺰﻟﻮﻥ ﺍﻟﻜﺘﺎﺏ ﻭ ﺗﺼﻌﺪ ﺃﻭﺛﺎﻥ
ﻋﻠﻲ ﻗﺎﻝ ﺇﺫﺍ ﻳﺤﺠﻲ ﺍﻟﻔﻘﺎﺭ ﺍﻳﺴﻜﺖ ﺍﻵﺫﺍﻥ
ﺣﺮﺍﻣﺎﺕ ﻃﻠﻴﻖ ﺇﺑﻠﻴﺲ ﻭ ﺍﻟﻤﻘﻴﻮﺩ ﻗﺮﺁﻥ
ﻋﻠﻲ ﺻﺎﺡ ﺩﺭﺟﻊ ﻓﺎﻃﻤﻪ ﻳﺎ ﻋﻢ ﻳﺴﻠﻤﺎﻥ
ﺻﺎﺣﺖ ﺍﺗﺮﻛﻮﺍ ﻟﻲ ﻋﻠﻲ ﻟﻮ ﺃﻛﺸﻒ ﺍﻟﺮﺍﺱ
ﺁﻧﺎ ﺍﻟﺰﺟﻴﻪ ﻭ ﺩﻋﻮﺗﻲ ﻣﻘﺒﻮﻟﻪ ﻳﺎ ﻧﺎﺱ
ﻃﻠﻌﺘﻬﺎ ﺍﻟﻈﻬﺮ ...ﺃﻗﺴﻪ ﺍﻣﻦ ﺍﻟﺠﻤﺮ

******
ﺗﺼﺤﻮﻥ ﺟﺮﺍﺡ ﺍﻟﻤﺎ ﻏﻔﺖ ﺗﻨﺰﻑ ﻃﺒﻌﻬﺎ
ﺻﺒﺢ ﻟﻴﻞ ﺃﻭﻥ ﻭﻭﻧﺔ ﺍﻟﺰﻫﺮﻩ ﺃﺳﺘﻤﻌﻬﺎ
ﻳﻬﻞ ﺍﻟﻨﺎﺱ ﻛﺴﺮ ﺿﻠﻊ ﺍﻟﻌﺮﺵ ﻛﺎﺳﺮ ﺿﻠﻌﻬﺎ
ﻟﻬﻞ ﻳﻮﻡ ﻧﺼﻴﺢ ﺍﻟﺜﺎﺭ ﻣﻦ ﺟﻒ ﺍﻟﺼﻔﻌﻬﺎ

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x